உங்கள் கம்ப்யூட்டர் தூங்கி வழிகிறதா?

உங்கள் கம்ப்யூட்டர் தூங்கி வழிகிறதா?

உங்கள் கம்ப்யூட்டர் தூங்கி வழிகிறதா? பாயும் குதிரையாய் பல மாதங்களுக்கு முன் ஓடிய விண்டோஸ் இப்போது தவழ்கிறதா? ஒவ்வொரு டாகுமெண்ட்டும், ஒர்க்ஷீட்டும் எடிட் செய்து பிரிண்ட் எடுக்கும் முன் போதும் போதும் என்றாகிறதா? கவலைப்படாதீர்கள். சில விஷயங்களைக் கவனித்தால் போதும். வேகமாக ஓடாவிட்டாலும், நமக்கு எரிச்சல் தராத வேகத்தில் விண்டோஸ் இயங்கும். அவற்றை இங்கு காண்போம்.

கம்ப்யூட்டர் வேகமாகவும் அனைத்து திறனுடனும் இயங்க வேண்டும் என்றால், விண்டோஸ் ஆப்பரேட்டிங் சிஸ்டத்தை மட்டும் மீண்டும் மீண்டும் ட்யூன் செய்து பயனில்லை. அதிக வேகம் தரக்கூடிய ஹார்ட்வேர் பாகங்கள் இணைக்கப்பட வேண்டும். இந்த வகையில் நாம் முன்னுரிமை தர வேண்டியது ராம் மெமரி மற்றும் கிராபிக்ஸ் கார்டு ஆகும். இவற்றை நாமே இணைப்பதாக இருந்தால், நம் உடலில் இருக்கும் ஸ்டேடிக் மின்சாரம் கம்ப்யூட்டரின் நுண்ணிய பாகங்களுக்குக் கடத்தாமல் இருக்கும் வகையில் அதனை வேறு உலோகங்களைத் தொடுவதன் மூலம் டிஸ்சார்ஜ் செய்திடலாம்.

ராம் மெமரி பலவகைகளில் கிடைக்கிறது. டி.டி.ஆர்2, டி.டி.ஆர்.3 மற்றும் பல பழைய வகைகளில் உள்ளது. தற்போது வரும் கம்ப்யூட்டர்களின் மதர்போர்டுகள் குறிப்பிட்ட வகை ராம் சிப்களை மட்டுமே ஏற்றுக் கொள்ளும். எனவே கம்ப்யூட்டருடன் தரப்பட்ட குறிப்பேட்டினைப் பார்த்து, எந்த வகை ராம் சிப்பினை மதர் போர்டு ஏற்றுக் கொள்ளும் எனப் பார்க்கவும். உங்கள் மெமரியினை 4 ஜிபிக்கு மேல் உயர்த்துவதாக இருந்தால் ஆப்பரேட்டிங் சிஸ்டம் 64 பிட் சிஸ்டமாக இருக்க வேண்டும். விண்டோஸ் 7 ஆப்பரேட்டிங் சிஸ்டம் 64 பிட் வகையில் கிடைக்கிறது. இதனைப் பயன்படுத்தலாம்.

நீங்கள் கம்ப்யூட்டரை அடிக்கடி கேம்ஸ் விளையாடப் பயன்படுத்தாமல் இருந்தாலும், அதிக திறன் கொண்ட கிராபிக்ஸ் கார்டு ஒன்றை கம்ப்யூட்டரில் நிறுவுவது நல்லது. குறிப்பாக விண்டோஸ் 7 மற்றும் விஸ்டா அவற்றின் யூசர் இன்டர்பேஸ் திரைகளின் காட்சித் தோற்றங்களைச் சிறப்பாக அமைத்திருப்பதால், கிராபிக்ஸ் கார்டு அதிக திறனுடன் இருப்பது இவற்றின் பயனை நன்கு நமக்குத் தரும்.
உங்கள் ஆப்பரேட்டிங் சிஸ்டம் விண்டோஸ் எக்ஸ் பி, விண்டோஸ் விஸ்டா அல்லது விண்டோஸ் 7 என எதுவாக இருந்தாலும், இதனுடன் ஒட்டிக் கொள்ளும் தேவையற்றவைகளை, அவ்வப்போது நீக்குவது, இவற்றின் வேகமான செயல்பாட்டை உறுதி செய்திடும்.

தேவையற்ற செயல்பாடுகள், செயல்படுத்தாத ஸ்டார்ட் அப் புரோகிராம்களை நீக்கவேண்டும். இதனால் விண்டோஸ் தன் சக்தியை இவற்றில் ஈடுபடுத்தாமல், தேவைப்படும் புரோகிராம்களில் மட்டுமே பயன்படுத்த வழி கிடைக்கும்.

விண்டோஸ் எக்ஸ்பியில், சிஸ்டம் கண்ட்ரோல் பேனலைத் திறந்திடவும். அதில் அட்வான்ஸ்டு (Advanced) டேப்பில் கிளிக் செய்திடவும். பின் செட்டிங்ஸ் (Settings) என்பதனைத் தேர்ந்தெடுக்கவும். இதில் அட்ஜஸ்ட் பார் பெஸ்ட் பெர்பார்மன்ஸ் என்ற ரேடியோ பட்டனைக் கிளிக் செய்திடவும். இதனால் மெனுவின் கீழாக ட்ராப் ஷேடோ போன்ற அலங்கார வேலைப்பாடுகள் நீக்கப்படும்.

விஸ்டாவில் சைட் பார் செயல் இழக்கச் செய்வதன் மூலம், இந்த செயல்பாட்டினை மேற்கொள்ளலாம். விண்டோஸ் விஸ்டா மற்றும் விண்டோஸ் 7 சிஸ்டங்களில் ஏரோ (Aero) சூழ்நிலையை நிறுத்துவதன் மூலம், கம்ப்யூட்டரின் மெமரியையும், செயல்திறன் சக்தியையும் (Processing Power) மேம்படுத்தலாம். இதற்கு டெஸ்க்டாப்பில் ரைட் கிளிக் செய்து, காண்டெக்ஸ்ட் மெனுவில் பெர்சனலைஸ் (Personalize) என்பதனைத் தேர்ந்தெடுக்கவும். விஸ்டாவில் விண்டோ கலர் அண்ட் அப்பியரன்ஸ் (Window Color and appearance) என்பதை கிளிக் செய்து அதில் எனேபில் ட்ரான்ஸ்பரன்ஸி (Enable Transparency) என்பதில் உள்ள டிக் அடையாளத்தை எடுத்துவிடவும். விண்டோஸ் 7 சிஸ்டத்தில் விண்டோஸ் 7 பேசிக் (Windows 7 Basic) என்ற தீமைத் தேர்ந்தெடுக்கவும்.

நாம் அடிக்கடி இணையத்தில் பார்க்கும் பல புரோகிராம்களை கம்ப்யூட்டரில் இன்ஸ்டால் செய்துவிடுகிறோம். இவற்றை இன்ஸ்டால் செய்கையில், சிஸ்டம் தொடங்கும்போதே, அவற்றைத் தொடங்கும் வகையிலும் அமைத்துவிடுகிறோம். இதனால் நமக்குத் தேவையான, அன்றாடம் பயன்படுத்தப்படுகின்ற (எம்.எஸ். ஆபீஸ், பேஜ்மேக்கர், போட்டோ ஷாப் போல) புரோகிராம்களின் இயக்க வேகம் பாதிக்கப்படுகிறது. முதலில் சொல்லப்பட்ட பயன்படுத்தாத பல புரோகிராம்கள், இவற்றின் பின்னணியில் இயங்குவதே இதற்குக் காரணம்.

விண்டோஸ் 7 மற்றும் விஸ்டாவில், ஸ்டார்ட் கிளிக் செய்து சர்ச் புரோகிராம்ஸ் அண்ட் பைல்ஸ் (Search Programs and Files) என்ற பீல்டில் msconfig என டைப் செய்து என்டர் தட்டவும். சிஸ்டம் கான்பிகரேஷன் (System Configuration) விண்டோ இப்போது கிடைக்கும். இவற்றில் உள்ள டேப்களில் Startup என்ற டேப்பில் கிளிக் செய்திடவும். இனி கட்டளை (Command) பிரிவில் உங்களுக்குத் தேவைப்படாத புரோகிராம் உள்ளதா எனப் பார்க்கவும். எடுத்துக் காட்டாக, ஐட்யூன்ஸ் (iTunes) வந்த காலத்தில் அதனைப் பதிந்திருக்கலாம். இதனால் iTuneshelper.exe மற்றும் QTTask.exe என்ற இரு பைல்கள் இயங்கியவாறு இருக்கும். இவற்றினால் எந்த பயனும் தனியாக இல்லை. இது போன்ற தேவையற்ற புரோகிராம்கள் ஸ்டார்ட் அப்பில் இயக்கப்படுவதைத் தடுக்கலாம். இதனால் ராம் மெமரி இடம் காலியாகி, அவசியமான புரோகிராம்கள் வேகமாக இயங்க வழி கிடைக்கும்.

சிஸ்டம் இன்னும் சுறுசுறுப்பாக இயங்க, அடிக்கடி சி டிரைவின் விண்டோஸ் டைரக்டரியில், டெம்பரரி போல்டரில் உள்ள பைல்களைக் காலி செய்திட வேண்டும். ஆப்பரேட்டிங் சிஸ்டம் இயங்கியவுடன் இவற்றைக் காலி செய்திட வேண்டும். அல்லது சேப் மோடில் சென்று இவற்றைக் காலி செய்திடலாம். இதனால் பயன்படுத்தாத பைல்கள் பட்டியலில் உள்ள கடைசி பைல் வரை நீக்க முடியும். இதற்கு ஏற்கனவே இந்த பகுதியில் விரிவாகச் சொல்லப்பட்ட சிகிளீனர் போன்ற புரோகிராம்களைப் பயன்படுத்தலாம்.

இதில் இன்னும் ஒன்றைக் கவனிக்கலாம். ஏதேனும் ஒரு புரோகிராமினை, கம்ப்யூட்டர் இயக்கத்திலிருந்து அறவே நீக்க, அதனுடன் தரப்பட்டிருக்கும் அன் இன்ஸ்டால் பைலைப் பயன்படுத்துகிறோம். விண்டோஸ் 7ல் அன் இன்ஸ்டால் செயல்பாட்டுக்கென ஒரு சிறிய புரோகிராம் பைல் தரப்பட்டுள்ளது. ஆனால் இவற்றைப் பயன்படுத்தினாலும் சில பைல்கள் கம்ப்யூட்டரில் ஒட்டிக் கொண்டுதான் இருக்கும். அறவே அனைத்து பைல்களை நீக்க சில தேர்ட் பார்ட்டி புரோகிராம்கள் இணையத்தில் கிடைக்கின்றன. இவற்றில் ரெவோ அன் இன்ஸ்டாலர் (Revo Uninstaller from http://www.pcworld.com/downloads/file/fid,66703order,6page,1/description.html) என்னும் புரோகிராம் சிறப்பானதாகும். இதனை இலவசமாக இறக்கிப் பயன்படுத்தலாம். இந்த புரோகிராம், குறிப்பிட்ட புரோகிராமின் அன் இன்ஸ்டால் பைலைப் பயன்படுத்தியே அனைத்து பைல்களையும் நீக்குகிறது. பின் மேலும் ஒரு படி சென்று சிஸ்டத்தை ஸ்கேன் செய்து, ரெஜிஸ்ட்ரியைத் தேடிப் பார்த்து, நீக்கப்படும் புரோகிராம் சார்பான அனைத்தையும் நீக்குகிறது.

ஆன்லைன் கேம்ஸ், ஸ்ட்ரீமிங் மீடியா புரோகிராம்கள், இன்டர்நெட் போன் சர்வீசஸ், பிட் டாரண்ட் போன்ற டவுண்லோடிங் புரோகிராம்கள் ஆகியவை அதிக அளவில் டேட்டாவினைக் கையாளுவதால், நெட்வொர்க் பேண்ட் அளவில் அதிக இடத்தை எடுத்துக் கொள்கின்றன. எனவே இவற்றைத் தேவைப்படும்போது மட்டும் இயக்கி, மற்ற நேரத்தில் இயங்கா நிலையில் வைத்திட வேண்டும்.

ஹார்ட் டிரைவ் ஒன்றை, அது உள்ளே இணைப்பதாயினும் அல்லது வெளியே வைத்து இயக்குவதாயினும், தேர்ந்தெடுக்கையில் அதன் இயக்க வேகம் அதிக பட்சம் இருக்கும் வகையில் பார்த்துக் கொள்ளவும். உள்ளே வைத்து இயக்கும் இன்டர்னல் டிரைவ் மற்றும் வெளியே வைத்து, இணைத்து இயக்கும் எக்ஸ்டெர்னல் டிரைவ் என இரு வகைகள் தற்போது அதிகம் பயன்படுத்தப்படுகின்றன.

வெளியில் வைத்து பயன்படுத்தும் டிஸ்க் டிரைவ்களில் பல நன்மைகள் உண்டு. உங்கள் டேட்டாவினை நீங்களே பாதுகாப்பாக வைத்துக் கொள்ளலாம். டேட்டா பேக்அப் செய்வதற்கு பாதுகாப்பானதாகும். உள்ளிருந்து இயக்கக் கூடிய டிஸ்க்குகளில் சடா (SATA) வகை இணைப்புகள் சிறந்தவை ஆகும். அடுத்ததாக eSATA எனச் சொல்லப்படும் வேகம் கொண்டவை, யு.எஸ்.பி. அல்லது பயர்வேர் டிரைவ்களைக் காட்டிலும் வேகம் கொண்டவையாகும். ஆனால் இவற்றைப் பயன்படுத்த ஒரு ஆட் ஆன் கார்ட் தேவைப்படும். தற்போது 7,200 ஆர்.பி.எம். வேகத்திற்குக் குறைவாக எந்த ஹார்ட் டிஸ்க்கும் இயங்குவதில்லை. 10,000 மற்றும் 15,000 ஆர்.பி.எம். வேக டிரைவ்கள் கிடைக்கின்றன. ஆனால் சற்று கூடுதலாகப் பணம் கொடுத்து வாங்க வேண்டியதிருக்கும். தற்போது அறிமுகமாகிப் பரவி வரும் சாலிட் ஸ்டேட் டிஸ்க், கம்ப்யூட்டர் பயன்பாட்டிற்கு அதிக வேகம் தரும். ஆனால் இவை இன்னும் குறைவான விலையில் கிடைப்பதில்லை.

கம்ப்யூட்டர் செயல்படும் வேகத்தினை பிரிண்டர்களும் தாமதப்படுத்துகின்றன. அச்சின் தன்மையைச் சற்றுக் குறைவாக வைத்துக் கொண்டால், கம்ப்யூட்டரின் செயல்பாடு வேகம் அதிகரிப்பதோடு, அச்சிடும் மையும் மிச்சப்படும்.

இணைய தளங்களை அச்சிடுகையில், அந்த பக்கத்தில் காணப்படும் விளம்பரங்கள், கிராபிக்ஸ் படங்கள் கம்ப்யூட்டரின் செயல்பாட்டினை மந்தப்படுத்தும். எனவே இந்த படங்கள் இல்லாமல் அச்சிடுவதே நல்லது.

இன்டர்நெட் எக்ஸ்புளோரர் நீங்கள் பயன்படுத்துவதாக இருந்தால், அதில் டூல்ஸ், இன்டர்நெட் ஆப்ஷன்ஸ் (Tools, Internet Options) தேர்ந்தெடுக்கவும். இந்த விண்டோவில் அட்வான்ஸ்டு (Advanced) டேப் கிளிக் செய்திடுக. பின் கிடைக்கும் விண்டோவில் மல்ட்டிமீடியா பிரிவிற்குச் செல்லவும். அதில் �ஷா பிக்சர்ஸ் (Show Pictures) என்று இருப்பதன் எதிரே உள்ள பெட்டியில் இருக்கும் டிக் அடையாளத்தை எடுத்துவிடவும்.
பயர்பாக்ஸ் பிரவுசரில் டூல்ஸ், ஆப்ஷன்ஸ் (Tools, Options) தேர்ந்தெடுத்து, கிடைக்கும் விண்டோவில் கண்டென்ட் (Content) டேப்பில் கிளிக் செய்திடவும். Load Images Automatically என்று இருப்பதன் எதிரே உள்ள டிக் அடையாளத்தை நீக்கவும். இந்த இரண்டு பிரவுசர்களிலும் ரெப்ரெஷ் பட்டனை அழுத்தி இணையப் பக்கங்களை படங்கள் இல்லாமல் இறங்கும்படி பெற்று, பின் பிரிண்ட் கட்டளை கொடுக்க வேண்டும். அச்சடித்து முடித்த பின் மீண்டும் மேலே காட்டியுள்ள இடங்களுக்குச் சென்று மீண்டும் கிராபிக்ஸ் படங்களைப் பெறுவதற்கான மாற்றங்களை ஏற்படுத்தவும். குறிப்பிட்டுள்ள வழிகள் அனைத்தும் கம்ப்யூட்டரின் செயல்பாட்டின் வேகம் குறைகையில் நாம் எடுக்க வேண்டிய சில நடவடிக்கைகளாகும். இவற்றை ஓரிரு முறை எடுத்தால் மட்டும் போதாது. தொடர்ந்து அடிக்கடி இந்த செயல்முறைகளை மேற்கொள்ள வேண்டும். அப்போதுதான் வேகம் இழந்த கம்ப்யூட்டர் தொடர்ந்து பழைய கூடுதல் வேகத்தில் இயங்கும்.

Office 2007 கோப்புகளை Office 2003 -இல் திறக்க

Office 2007 கோப்புகளை Office 2003 -இல் திறக்க

.

நம்மில் பலர் மைக்ரோசாப்ட் ஆபீஸ் 2003 பதிப்பையே இன்னமும் பயன் படுத்தி வருகிறோம். இதனால் சில சமயங்களில் நமது பார்வைக்காக வரும் வோர்ட் (DOCX) அல்லது எக்ஸ்செல் (XLSX) கோப்புகள் மைக்ரோசாப்ட் ஆபீஸ் 2007 பதிப்பில் உருவாக்கப்பட்டிருக்கலாம். இது போன்ற சமயங்களில் Office 2007 கோப்புகளை Office 2003 -இல் திறக்க இயலாமல் நிறைய பயனாளர்கள் சிரமத்திற்கு உள்ளாகின்றனர்.

இதனை மனதில் கொண்டு மைக்ரோசாப்ட் நிறுவனம் File Format Converter (தரவிறக்கச் சுட்டி இறுதியில் தரப்பட்டுள்ளது) என்ற கருவியை இலவசமாக அறிமுகப்படுத்தி நெடு நாட்களாகிவிட்டாலும். இது குறித்த சந்தேகம் எழுப்பிய வாசகரின் வேண்டுகோளுக்குப் பிறகுதான் இது குறித்த பதிவு எழுதும் எண்ணம் தோன்றியது.

இந்த கருவியை மைக்ரோசாப்ட் தளத்திலிருந்து நேரடியாக தரவிறக்கம் செய்து கொள்ளலாம்.

இதனை நமது கணினியில் பதிந்து கொள்வது மிகவும் எளிதான காரியமாகும்.

இன்ஸ்டால் செய்து முடிந்த பிறகு வரும் வசனத் திரையில் OK பொத்தானை அழுத்தவும்.

இந்த கருவியை ஒருமுறை நமது கணினியில் பதிந்து கொண்டால், பிறகு மைக்ரோசாப்ட் ஆபீஸ் 2007 -இல் உருவாக்கப்பட்ட எந்த ஒரு கோப்பையும் வழக்கம் போல மைக்ரோசாப்ட் ஆபீஸ் 2003 -இல் திறக்கவும், மாற்றி அமைக்கவும் முடியும்.

Microsoft Office Compatibility Pack for Word, Excel, and PowerPoint File Formats

உங்கள் கணினியின் திரையை தொலைக் காட்சிப் பெட்டிக்கு எவ்வாறு நீட்டுவது ? ( Extend your Computers Display to a TV )

உங்கள் கணினியின் திரையை தொலைக் காட்சிப் பெட்டிக்கு எவ்வாறு நீட்டுவது ? ( Extend your Computers Display to a TV )

பல வேளைகளில் இருக்கிற ஒரு கணினி திரை நமக்கு போதுமானதாக இருப்பதில்லை.

உதாரணத்திற்கு,

1 . கணினியில் திரைப் படம் பார்க்கும் போது வேறு வேலை எதுவும் செய்ய முடிவதில்லை.

2 . கணினியில் படங்கள் கொண்ட கோப்புறையை நோக்கும் போது படங்களை பெரிதாக்கிப் பார்ப்பது.

3. ஒரே நேரத்தில் பல மென் தொகுப்புகளை உபயோகிக்கும் போது window ஐ மாற்றிக் கொண்டே வேலை செய்வது.

இந்த மாதிரி தருணங்களில் இன்னொரு திரை நமது கணினிக்கு இருந்தால் நல்லது என்று தோன்றும்.

உண்மையிலேயே ஒன்றுக்கும் மேற்பட்ட திரைகளை நமது கணினிக்கு சேர்க்க முடியும் என்றாலும், பணம் கொடுத்து வாங்கும் அளவுக்கு அவை உபயோகமாக இருக்காது.

எனவே இருப்பதை வைத்து எவ்வாறு நமது கணினித் திரையை தொலைக் காட்சிப் பெட்டிக்கு எவ்வாறு நீட்டுவது என்று பார்ப்போம்.

உங்கள் கணினியில் கீழே உள்ளது போல் socket ஐ பார்த்துக் கொள்ளவும்.

இதில் S-Video என்று உள்ள socket தான் நமக்கு உபயோகப் படும். கடைகளில் இதே போல் உள்ள socket cable ( 7- pin ) with Video in to TV. சில cable இல் Audiocable கூட சேர்ந்து இருக்கும்.

இந்த மாதிரி இல்லைஎன்றால் உங்கள் கணினிக் கேற்றவறு cable ஐ தேர்ந்து எடுக்கவும்.

இதை வாங்கி உங்கள் கணினியிலிருந்து தொலைக் காட்சிக்கு இணைத்து விடவும்.

பிறகு தொலைக் காட்சியை தொடக்கி AV mode க்கு வரவும்.

உங்கள் கணினியின் Display properties சென்று Connect to a Projector என்று தேர்ந்தெடுக்கவும்.

இதில் நான்கு தெரிவுகள் வரும்.

1 .Computer only.
2. Duplicate.
3. Extend.
4.External monitor only.

இதில் Duplicate என்றால் கணினியில் தெரிவது அப்படியே உங்கள் தொலைக் காட்சியில் தெரியும்.

Extend எனும் தெரிவு உங்கள் தொலைக் காட்சியை கணினியின் திரையோடு உபயோகிக்க எதுவாக இருக்கும்.

ஒரு திரையிலிருந்து மற்றொரு திரைக்கு ஒரு window ஐ கொண்டு செல்ல Titlebar இல் Drag செய்து தொலைக் காட்சியில் drop செய்ய வேண்டும்.

உங்கள் கணினி மற்றும் தொலைக் காட்சியின் இடத்துக்கு ஏற்றவாறு Display இல் set செய்யவும்.

விஸ்டா / விண்டோஸ் 7 -ல் வன்தட்டில் பார்ட்டிஷன்களை சுருக்க, விரிக்க மற்றும் உருவாக்க

விஸ்டா / விண்டோஸ் 7 -ல் வன்தட்டில் பார்ட்டிஷன்களை சுருக்க, விரிக்க மற்றும் உருவாக்க

நாம் புதிதாக மடிகணினி வாங்கும் பொழுது, வழக்கமாக அதில் விண்டோஸ் 7 அல்லது விஸ்டா இயங்குதளம் ஏற்கனவே நிறுவப்பட்டிருக்கும். இப்படி வாங்கிய மடிக் கணினிகளில் பல பேருக்கு ஏற்படுகின்ற சிக்கல் ஒன்று உண்டு. நம்மில் பலர் டெஸ்க் டாப் கணினிகளில் அதிகமாக பயன்படுத்தி பழக்கப்பட்டவர்கள், அதில் நமக்கு தேவையான கோப்புகளை நமது வசதிக்கு ஏற்றவாறு D,E,F என எந்த பார்ட்டிஷன்களிலும் வைத்துக் கொள்வது வழக்கம்.

ஆனால் பல மடிக்கணினிகளில் வன்தட்டின் கொள்ளளவு 320GB / 500GB என எவ்வளவு இருந்தாலும், இரண்டு பார்ட்டிஷன்கள் மட்டுமே இருக்கும், அதிலும் ஒன்று (C) இயங்குதளத்திற்கும் மற்றொன்று (D) ரெகவரிக்கும் மட்டுமே இருக்கும். அந்த 'ரெகவரி பார்ட்டிஷனை தொடாதே' என எச்சரிக்கை வேறு ஒருபுறம் பயமுறுத்தும். என்ன செய்வது நாமோ D for DATA, G for Games என பழக்கப்பட்டவர்கள். இதற்கு தீர்வாக பார்ட்டிஷன் மேஜிக் போன்ற பல மென்பொருட்கள் இருந்தாலும், விண்டோஸ் 7 மற்றும் விஸ்டாவில் உள்ளிணைக்கப் பட்டுள்ள வசதியை பயன்படுத்தி,ஏற்கனவே உள்ள C பார்ட்டிஷனின் அளவை குறைத்து, புதிதாக ஒரு பார்ட்டிஷனை எப்படி நிறுவுவது எனப் பார்க்கலாம்.

விண்டோஸ் 7 / விஸ்டாவில் ஸ்டார்ட் பட்டனை கிளிக் செய்து Control Panel சென்று சர்ச் பாக்ஸில் Partition என டைப் செய்து வரும் லிங்கில் Disk Management திரையை திறந்து கொள்ளுங்கள்.

Disk Management திரையில் நீங்கள் சுருக்க விரும்பும் பார்ட்டிஷனை (உதாரணமாக C Drive) வலது கிளிக் செய்து “Shrink Volume” ஐ கிளிக் செய்யுங்கள்.

இனி திறக்கும் Shrink C: என்ற வசனப் பெட்டியில் அந்த பார்ட்டிஷனை எவ்வளவு சுருக்க வேண்டும் என்பதை MB -யில் கொடுக்க வேண்டும். உதாரணமாக 100 GB அளவுள்ள பார்ட்டிஷனை 80 GB அளவாக சுருக்க Enter the amount of space to shrink in MB என்பதற்கு நேராக 20000 என கொடுக்க வேண்டும்.

பிறகு Shrink என்ற பொத்தானை அழுத்தினால் போதுமானது.

இனி உங்கள் வன் தட்டில் Unallocated பார்ட்டிஷன் ஐ வலது கிளிக் செய்து புதிய பார்ட்டிஷனை உருவாக்கிக் கொள்ளலாம்.

இதே போல பார்ட்டிஷனை விரிவு படுத்த உங்கள் வன்தட்டில் உபயோகப்படுத்தாத அதிகப்படியான இடம் இருந்தால் Shrink Volume க்கு முன்னதாக உள்ள Extend Volume எனும் வசதியை தேர்வு செய்து தேவையான பார்ட்டிஷனை விரிவு படுத்தலாம்.

கூகிள் க்ரோம் வலை உலாவிக்கான பயனுள்ள நீட்சி

கூகிள் க்ரோம் வலை உலாவிக்கான பயனுள்ள நீட்சி

.

நம்மில் பலர் கூகிள் பயன்பாடுகளான Gmail, Google Reader, Google Calendar, Google Docs போன்றவற்றை பயன்படுத்தி வருகிறோம். இதனை வழக்கத்தைவிட விரைவாக செயல்படுத்த கூகிள் க்ரோம் வலை உலாவியை பயன் படுத்துபவர்களுக்கு உபயோகமாக Google Apps Shortcuts extension என்ற நீட்சி பயனுள்ளதாக உள்ளது. (இந்த நீட்சி கூகிள் க்ரோம் உலாவிக்கானது, தரவிறக்கச் சுட்டி இறுதியில் தரப்பட்டுள்ளது)

இந்த நீட்சியை க்ரோமில் நிறுவுவது எளிதான காரியமாகும். இதனை நிறுவிய பிறகு உங்கள் கூகிள் க்ரோம் உலாவியின் திரையில் “Shortcuts Toolbar Button” மற்றும் கீழே உள்ளது போன்ற செய்தியும் தோன்றும்.

இந்த Shortcuts Toolbar பொத்தானை அழுத்தினால் கீழே உள்ளதைப் போன்ற கீழ் பட்டியல் தோன்றும்.

இதிலுள்ள Options ஐ க்ளிக் செய்து, தோன்றும் பக்கத்தில் தேவையான மாறுதல்களை செய்து சேமித்துக் கொள்ளலாம்.

இனி தேவையான கூகிள் வசதியை திறக்க கூகிள் க்ரோமில் உள்ள Google Apps Shortcut பொத்தானை அழுத்தி விரைவாக பணிபுரியலாம்.

Google Apps Extension

கோப்புகளை வேகமாக நகல் எடுக்க

கோப்புகளை வேகமாக நகல் எடுக்க

நம்முடைய கணினியில் உள்ள கோப்புகளை வேகமாக நகல் எடுக்க TeraCopy என்ற மென்பொருள் மிகவும் பயன் உள்ளதாக இருக்கிறது.

இதில் உள்ள சிறப்பம்சங்கள்:
1.வேகமாக நகல் எடுக்கலாம் (Copy files faster)
2.நகல் எடுத்துக்கொண்டிருக்கும் போது அதை நிறுத்திக் கொள்ளலாம்.(Pause and resume file transfers)
3.கோப்புகளில் எதாவது தடைகள் இருந்தாலும் அதிலிருந்து மற்ற கோப்புகளுக்கு தாவி நகல் எடுக்கும். (Error recovery)
4.சில நேரங்களில் தடைப்பட்ட கோப்புகளை பற்றிய அறிவிப்புகளை கடைசியில் காண்பிக்கிறது.
இது போன்ற அனேக சிறப்பம்சங்கள் இதில் உள்ளது. இதை இங்கு தரவிறக்கி பயன்பெறுங்கள்

விண்டோசை எளிதாக ரிப்பேர் செய்வது எப்படி?

விண்டோசை எளிதாக ரிப்பேர் செய்வது எப்படி?

கடைசியாக கணினியை ஷட் டவுன் செய்யும் வரை Windows XP நன்றாகவே வேலை செய்து கொண்டிருந்தது. இப்பொழுது கணினியை திறக்கையில் திரையில்

(OR)

Windows NT could not start because the below file is missing or corrupt:

X:\\WINNT\\System32\\HAL.dll

(OR)

NTLDR is Missing
Press any key to restart

மேற்கண்ட பிழைச்செய்தி தோன்றும், இது பலருக்கும் நேர்ந்திருக்கலாம். சரி ரீ ஸ்டார்ட் செய்து Safe mode -ல் சென்று பார்க்கலாம் என்றால் அதிலும் இதே பிரச்சனை.

இதற்கு பலரும் தேர்ந்தெடுக்கும் வழி விண்டோசை ரீ இன்ஸ்டால் செய்வது.

இதற்கு நான் உபயோகிக்கும் எளிதான வழிகளில் ஒன்று., (நல்ல வேளையாக எங்கள் ஊரில் உள்ளவர்களுக்கும், எனது வாடிக்கையாளர்களுக்கும் என்னுடய பிளாக் பற்றி தெரியாது.., அதனால் என் பிழைப்பு ஓடிக்கொண்டிருக்கிறது..,)

Windows Recovery Console -ல் உபயோகிக்கப்படும் "BOOTCFG /Rebuild" என்ற கட்டளை ஒன்று உண்டு. இந்த கட்டளை விண்டோஸ் இயங்குதளம் துவங்குவதற்கு தடையாக உள்ள System File களை Remove/Replace/Repair செய்யும் பணியை Recovery Console -ல் செயல் படுத்துகிறது.

இந்த கட்டளை சரி செய்யும் கோப்புகள்..,

• Windows Hardware Abstraction Layer (HAL)
• Invalid BOOT.INI files
• A corrupt NTOSKRNL.EXE
• A missing NT Loader (NTLDR)
• Corrupt registry hives (\\WINDOWS\\SYSTEM32\\CONFIG\\xxxxxx)

இந்த கட்டளையை நாம் Windows Recovery Console -ல் தான் கொடுக்க முடியும் என்பதால், முதலில் REcovery console இற்கு செல்வது எப்படி என்று பார்ப்போம்.

Windows XP Booting CD ஐ உபயோகித்து கணினியை பூட் செய்து கொண்டு, கீழ்கண்ட திரை வரும்வரை தொடருங்கள்.


இந்த திரையில் 'R' கீயை அழுத்தினால் Recovery Console வந்துவிடும்.


மேலே உள்ள படத்தில் குறிப்பிட்டிருப்பது போல்,
1: C:\WINDOWS
(C: என்பது ரிப்பேர் செய்யப்போகும் இயங்குதளம் அமைந்துள்ள ட்ரைவ்)
இது சரியெனில் 1 டைப் செய்து என்டர் கொடுத்து, Administrator கடவு சொல்லை டைப் செய்யவும். (விண்டோஸ் பதியும் பொழுது பெரும்பாலானோர் Administrator க்கு கடவு சொல்லை கொடுப்பதில்லை, அப்படியிருந்தால் வெறுமனே என்டர் கொடுத்தால் போதுமானது).

இப்பொழுது திரையில்,

C:\WINDOWS> என்ற ப்ராம்ப்ட் வரும், இங்கு கீழ்கண்ட கட்டளைகளை ஒன்றன்பின் ஒன்றாக டைப் செய்து என்டர் கொடுக்கவும்.


CD ..
ATTRIB -H C:\boot.ini
ATTRIB -S C:\boot.ini
ATTRIB -R C:\boot.ini
del boot.ini
BOOTCFG /Rebuild
CHKDSK /R /F
FIXBOOT





"Sure you want to write a new bootsector to the partition C: ?” என கேட்க்கப்படும் பொழுது 'Y' கொடுத்து என்டர் கொடுக்கவும்.

இறுதியாக கணினியை ரீ ஸ்டார்ட் செய்யவும்.

விண்டோஸ் கீயின் பத்து கட்டளைகள்..,

விண்டோஸ் கீயின் பத்து கட்டளைகள்..,

நமது கீ போர்டில் உள்ள விண்டோஸ் கீயை நம்மில் பலர் உபயோகிப்பதில்லை. ஆனால் அதன் முழு பயன்பாட்டையும் தெரிந்து கொண்டால், அவசியம் அந்த கீயை உபயோகிப்பீர்கள் என நம்புகிறேன்.


1. விண்டோஸ் கீ - Start மெனு

2. விண்டோஸ் கீ + D - திறந்திருக்கும் அனைத்து விண்டோக்களையும் மினிமைஸ்/ரிஸ்டோர் செய்ய.

3. விண்டோஸ் கீ + E - விண்டோஸ் எக்ஸ்ப்ளோரர் ஐ திறக்க.

4. விண்டோஸ் கீ + F - விண்டோஸ் Search for files.

5. விண்டோஸ் கீ + Ctrl + F - Search for computer

6. விண்டோஸ் கீ + F1 - Help and Support Center

7. விண்டோஸ் கீ + R - Run கமேண்ட்

8. விண்டோஸ் கீ + break - சிஸ்டம் ப்ராப்பர்டீஸ்

9. விண்டோஸ் கீ + shift + M - Undo minimize all windows

10. விண்டோஸ் கீ + U - Utility Manager ஐ திறக்க.

வயர்லெஸ் இணைய கணக்கை பாதுகாப்பது எப்படி?

வயர்லெஸ் இணைய கணக்கை பாதுகாப்பது எப்படி?

துபாயிலிருந்து பதினைந்து நாட்கள் விடுமுறையில் வந்திருந்த ஒரு வாடிக்கையாளரிடம் பேசிக்கொண்டிருந்த போது, 'அங்க என்ன Internet Connection வச்சுரிக்கிங்க' என கேட்க, அவர் சொன்னார், 'எதுவுமில்லைங்க, லேப்டாப்பை எடுத்துட்டு போறம், ஏறக்குறைய எல்லா இடங்களிலும், யாராவது ஒருவர் இணையத்தில் வேலை செய்து கொண்டிருப்பார்கள், அதில் நான் WiFi மூலமாக கனெக்ட் செய்து கொள்வேன்' என்றார்.

யோசித்து பார்த்த பொழுது, இப்படி நாமும் ஒரு வயர்லெஸ் இணைய கணக்கு வைத்திருக்கிறோமே, நம்முடைய கணக்கில், பக்கத்து அறையிலோ, பக்கத்து வீட்டிலோ, யாரும் நுழைய மாட்டார்கள் என்பது என்ன நிச்சயம்.

இப்பொழுத்தான், எல்லா மடிகணினிகளிலும், WiFi இருக்கிறது, நம்முடைய ரூட்டர்/ மோடம் இணையத்தில் தொடர்பில் இருக்கும் பொழுது, லேப்டாப்பை ஆன் செய்தாலே போதுமானது.

இப்படி நமது இணைய கணக்கில் நம்மைத் தவிர வேறு யாரும் நுழையாதவாறு, பாதுகாப்பது எப்படி?

இங்கே நான் விவரித்திருப்பது 'Linksys WRT54GS' ரூட்டரில் இதை எப்படி செய்வது எனபது குறித்து. உங்களுடைய மோடம் / ரூட்டர் க்கு தகுந்தாற்போல ஒரு சில ஆப்ஷன்கள் மாறலாம்.

முதலில் உங்கள் ரூட்டருக்கு கடவு சொல்லை அவ்வப்பொழுது மாற்றுங்கள்.

இதற்கு, ரூட்டரில் லாகின் ஆக வேண்டும்.

உங்கள் உலவியை திறந்து கொண்டு, அதன் அட்ரஸ் பாரில் 192.168.1.1 என்ற ஐபி அட்ரசை டைப் செய்து என்டர் கொடுக்கவும்.

இப்பொழுது வரும் லாகின் திரையில் உங்கள் பயனர் பெயரும், கடவு சொல்லும் கொடுங்கள். (இணைய கணக்கின் பயனர்/கடவுசொல் அல்ல. ரூட்டருடையது வழக்கமாக பல ரூட்டர்களின் default பயனர் பெயர் admin கடவு சொல்லும் admin என்பதாகவே இருக்கும்.

பிறகு Administration -> Management சென்று Router Password மற்றும் Re-enter to confirm field களில் கடவு சொல்லை கொடுத்து சேமித்து கொள்ளுங்கள்.

இனி அடுத்த பகுதிக்கு செல்வோம்.

ஒவ்வொரு Ethernet Adapter க்கும், அதற்கான 12 இலக்க Unique Identifier உண்டு. இதனை MAC Address என அழைக்கிறோம். (MAC - Media Access Control) இதனை அடிப்படையாக கொண்டுதான் அனைத்து நெட்வொர்க் களும் ஒரு குறிப்பிட்ட கணினியை நெட்வொர்க்கில் அனுமதிக்கலாமா? இல்லையா? என்பதை முடிவு செய்கிறது.

நமது கணினிக்கான MAC Address ஐ கண்டறிய,

Start > Run. சென்று cmd என டைப் செய்து என்டர் கொடுங்கள். இனி திறக்கும் command prompt இல் ipconfig /all. என டைப் செய்து என்டர் கொடுங்கள். பிறகு திரையில் Ethernet Adapter Wireless Network Connection. என்ற பகுதியில் மூன்றாவதாக Physical Address. என்பதற்கு நேராக இருக்கும் MAC அட்ரசை குறித்துக்கொள்ளுங்கள். (உதாரணமாக 00-A0-C9-14-C8-29)

இனி உங்கள் ரூட்டர் மெனுவில் Wireless > MAC Address > Wireless Mac Filter. சென்று Enable என்பதை கிளிக் செய்து Permit only PCs listed to access the wireless network option, மற்றும் Edit MAC Filter என்ற List button ஐ கிளிக் செய்து, நீங்கள் குறித்து வைத்துள்ள MAC Address ஐ டைப் செய்யுங்கள். பிறகு சேமித்துக் கொள்ளுங்கள்.

இதன் சிறப்பம்சம் என்னவென்றால், நீங்கள் எந்த எந்த கணினிகளின் MAC address களை கொடுக்கிறீர்களோ, அந்த கணினிகளை தவிர வேறு கணினிகள் மூலமாக வயர்லெஸ் தொடர்பை உருவாக்க முடியாது.


suryakannan.blogspot.com எனது இந்த வலைப்பக்கத்தின் நூறாவது பதிவு.

மார்ச் 2009 இல் துவங்கிய இந்த வலைப்பக்கம் இன்று 64926 பார்வையாளர்களுடனும், Alexa Ranking இல் 329081 ம் பெற்று வளர்ந்ததற்கு காரணமாக இருந்த தமிலிஷ். யூத்ஃபுல் விகடன், தட்ஸ்தமிழ், தமிழ்வெளி, திரட்டி, தமிழ்10, உலவு, நம்குரல், தமிழர்ஸ் போன்ற தளங்களுக்கும்,

என்னை ஊக்குவித்த அனைத்து சக பதிவர்களுக்கும், எனது பல பதிவுகளை வெளியிட்ட தமிழ் கம்ப்யூட்டர் பத்திரிகை மற்றும் வாசகர்களுக்கும் எனது மனமார்ந்த நன்றியினை தெரிவித்துக் கொள்கிறேன்.

சீனாவில் ஏதற்கெல்லாம் இணையதளங்கள் தடை செய்யப்படுகின்றன ஒரு அலசல்

சீனாவில் நேற்றல்ல இன்றல்ல பல வருடங்களாகவே இணையதளம்
-களுக்கு கொஞ்சம் அதிகமான கிடுக்குபிடி தான். ஏன் என்ற
பின்னனி கொஞ்சம் வித்தியாசமானதுதான் அதாவது சீனாவின் எந்த
அரசாங்க விஷயங்களும் வெளியே செல்லக்கூடாது என்பதற்காக
தான் இத்தனை செக்யூரிட்டி.முதலில் தடை செய்த இணையதளம்
பிளாக்கர் இதன் வழியாக பல தகவல் செல்லும் என்பதால் இது
தடைசெய்யப்பட்டது. அதன் பின் கொஞ்சம் கொஞ்சமாக நாம்
பயன்படுத்தும் பல இணையதளங்கள் என்று யூடியுப் வரை
சென்றுள்ளது.நாம் பயன்படுத்தும் எந்த சோசியல் நெட்வொர்க்கையும்
சீனாவில் பயன்படுத்த முடியாது.எங்கள் நாட்டு இளைஞர்கள் யாரும்
தவறாக சென்று விடக்கூடாது என்பதற்காக சமீபத்தில் ஆபாச
இணைதளங்கள் சீனாவில் வைத்திருக்கும் நபரை நீங்கள் காட்டி
கொடுத்தால் 1 இலட்சம் வரை பரிசு என்று அறிவித்து 5394 பேரை
மொத்தமாக பிடித்தது. இதன் பின்னால் ஒரு இராஜதந்திரமே
உள்ளது எப்படி என்று பார்ப்போம். எந்த ஒரு நாட்டிலும் ஆபாச
இணையதளங்கள் வைத்திருக்கும் நபர் கண்டிப்பாக பணத்துக்காக
எதையும் செய்வார் இப்படிபட்ட நபர்கள் பெரும்பாலும் ஹக்கர் ஆக
இருக்க வாய்ப்பு அதிகம் அதனால் இவர்களை சரியாக கண்ணி
வைத்து பிடித்தது சீன அரசு.

கூகுள் சீனாவை விட்டு வெளியேறியது என்ற செய்தி நாம் படித்தது
தான் ஆனால் ஏன் வெளியேறியது என்ற காரணம் பற்றி பார்ப்போம்.
ஒவ்வொரு நாட்டுக்கும் தனித்தனியாக கூகுள் தேடுபொறி வந்து
விட்டது. சீனாவில் பயன்படுத்தப்படும் கூகுள் தேடு பொறியில்
பிரைன் வாஸ் ( Brain wash ) என்ற சொல்லை
பயன்படுத்தினால் தேடுதல் முடிவு காட்டக்கூடாது அதுமட்டுமா
டெமாக்ரசி மூமெண்ட் (democracy movement) என்ற சொல்
முதல் ஒரு பெரிய பட்டியலை கொடுக்கிறது சீனஅரசு படம் 2-ல்
காட்டப்பட்டுள்ளது.

இந்த பட்டியலில் உள்ள வார்த்தைகள் காணப்படும் இணைய
தளங்களை காட்டக்கூடாது என்று சொன்னால் ஆரம்பத்தில் சரி சரி
என்று சொல்லி கூகுள் ஏற்று கொண்டது அதன் பின் தான்
தெரிந்தது இவர்கள் கொடுக்கும் வார்த்தையை வைத்து ஃபில்ட்டர்
(Filter) செய்தபின் ஒரு இணையதளத்தையும் நம்மால்
காட்டமுடியாது என்று தெரிந்து கொஞ்சம் வார்த்தையை
குறைத்திருக்கலாம் என்று நிபுனர்கள் கூறினாலும் எதையும் எந்த
வார்த்தையையும் குறைக்க முடியாது என்று திட்டவட்டமாக
கூறிவிட்டது அதன் பின் தான் கூகிள் வெளியே வந்தது.
ஒரு நாட்டின் வருங்கால முதுகெலும்பாக இருக்கும் இளைஞர்கள்
எந்த விதத்திலும் தவறாக சென்றுவிடகூடாது என்பதிலும் பயிர்க்கு
பாதுகாப்பு வேலி நாட்டின் பாதுகாப்புக்கு இணையவேலி என்ற
புதிய தொலைநோக்கு பார்வையுடன் களம் இறங்கியுள்ளது
சீனஅரசு அதுமட்டுமல்ல இணையதள செக்யூரிட்டி பணிக்காக
மட்டும் பல இலட்சம் பேரை பணியில் அமர்த்தியுள்ளது.
நம் நாட்டில் இந்த அளவு செய்யாவிட்டாலும் ஆபாச
இணையதளங்கள் வைத்திருப்பவர்கள் மீது நடவடிக்கை எடுத்தால்
நாட்டின் பல குற்றங்கள் குறைய வாய்ப்பு உண்டு நாட்டின்
பாதுகாப்பு துறையில் இருக்கும் அதிகாரிகள் பார்வைக்கு இந்த
பதிவு செல்லுமா என்று தெரியவில்லை ஆனால் கூகுள் போன்ற
தேடுபொறிகள் ஆபாச இணையதளங்ளை காட்டுவதை நிறுத்தி
விட்டால் குற்றம் பெருமளவு குறையும். இந்தியா போன்ற ஒரு
வளரும் வல்லரசு நாட்டிற்கு தேவையானது இணையபாதுகாப்பு
என்பது நம் எண்ணம்.

கூகுல் நெக்சஸ் போன் இந்த ஆண்டு 6 மில்லியன் இலக்கு

கூகுளின் அடுத்த துறை தொலைத்தொடர்பு அதற்காக புதிதாக
கூகுள் நெக்சஸ் போன் வர இருப்பது நமக்கு தெரிந்தது தான்
அதில் உள்ள சில சிறப்பம்சங்களை பற்றி பார்ப்போம்.

* கூகுளின் முதல் பணி வேகம் தான் அதனால் வேகத்திற்கு
ஏற்றவாறு வன்பொருள் அமைப்பு.

* திரையில் வண்ண வண்ண கலர்களை தேர்ந்தெடுத்து பார்க்கலாம்.

* தொடுததில் திரை பாதிக்கப்படாமல் இருக்க சிறப்பு வடிவம்.

* ஆடியோவில் சிறு இரைச்சல் கூட இல்லாமல் கேட்கலாம்.

* கூகுளின் அனைத்து அப்ளிக்கேசனும் பயன்படுத்தலாம்.

*சில நாடுகளில் இலவச இண்டெர்நெட்டும் சேர்த்தே கொடுக்கின்றனர்.

இதை எல்லாம விட சிறப்பு எந்த நாட்டில் இருந்தும் அடுத்த நாட்டில்
இருக்கும் நெக்சஸ் போனுக்கு அழைப்பு இலவசம்.(சிறப்பு சலுகை)

இந்த 2010-ஆம் ஆண்டு மட்டும் 5 முதல் 6 மில்லியன்
வாடிக்கையாளர்களிடம் நெக்சஸ் போன் சென்றடைய வேண்டும்
என்பது தான் இவர்களின் இலக்கு. பயன்படுத்துவதில் எளிமை
தான் இதன் மிகப்பெரிய பலமாக இருக்கப்போகிறது.விலை மட்டும்
தான் நமக்கு எட்டாத தூரத்தில் இருக்கிறது இந்திய மதிப்பின்படி
இதன் விலை Rs.29767.

இயற்கையான டெஸ்க்டாப் கம்ப்யூட்டர் டெல் புதிய அதிசியம்.

கணினி வடிவமைப்பாளர்களுக்கான போட்டியில் இயற்கை
தாவரங்களின் கழிவுகளில் இருந்து புதிய டெஸ்க்டாப்
கம்ப்யூட்டரை உருவாக்கிய சாதனையைப் பற்றி தான்
இந்த பதிவு.டெல் நிறுவனம் நடத்திய போட்டியில் மெக்ஸிக்கொ
நாட்டின் பவுலினா கேரோல்ஸ் என்பவர் தாவரங்களின் கழிவுகளை
கொண்டு இயற்கையான முறையில் ஒரு டெஸ்க்டாப் கம்ப்யூட்டரை
வடிவமைத்துள்ளார்.படம் 1 ல் காட்டப்பட்டுள்ளது.

படம் 1

இதன் பயன்பாட்டை பற்றி பார்ப்போம். இதில் இரண்டு
புரோஷக்டர் உள்ளது. திரைக்காக ஒன்றும் கீபோர்ட்
வசதிக்காக மற்றொன்றும் உள்ளது. எங்கு வேண்டுமானாலும்
பயன்படுத்தலாம் டெஸ்க்டாப் என்றால் எங்கும் எடுத்து
செல்ல முடியாது ஆனால் இதை எங்கு வேண்டுமானாலும்
எடுத்து செல்லலாம்.பயன்படுத்துவதற்கு குறைவான அளவு
மின்சக்தியே தேவைப்படுகிறது. அதேபோல் டிவிடி
பயன்படுத்தவும் புதிய அமைப்பை வடிவமைத்துள்ளனர்.
படம் 2 ல் காட்டப்பட்டுள்ளது.பார்ப்பதற்கு எளிமையாகவும்
புதுமையாகவும் உள்ளது.

படம் 2

கீபோர்ட் நிழலில் எந்த கீயை நாம அழுத்துகிறோம் என்பதை
இமேஸ் சென்ஸார் மூலம் துல்லியமாக கண்டுபிடிக்கின்றனர்.
அதோடு அந்த கீயின் இன்புட்டையும் ஒளியாக அனுப்புகின்றனர்.
இதன் மிகப்பெரிய பலம் அதிக அளவு சூடாவது குறைக்கப்பட்டு
உள்ளது. அதேபோல் பயன்படுத்திய இதன் பாகங்களை மீண்டும்
சுழற்ச்சி முறையில் பயன்படுத்தலாம்.

ஆப்பிளில் வரும் ஜனவரி 27 என்ன அதிசியம் நடக்க போகிறது.

தனக்கென்று ஒரு தனி வழி யாரையும் தொந்தரவு செய்யாமல்
கணினி லேப்டாப் வடிவமைப்பில் முன்னால் நிற்கும் ஆப்பிள்
நிறுவனத்தை பற்றிய பதிவு.

கடந்த சில நாட்களாக ஒரு செய்தி ஆப்பிள் நிறுவனத்திலிருந்து
புதிய வடிவமைப்பில் பல தொழில்நுட்ப வசதிகளுடன் ஒரு லேப்டாப்
வெளிவருவதாக தகவல் இது வதந்தியாக கூட இருக்கலாம் என்ற
நிலையில் ஆப்பிள் நிறுவனத்திடம் இருந்து அதிகாரப்பூர்வமாக
ஒரு அறிவிப்பு வெளிவந்துள்ளது அதாவது வரும் ஜனவரி 27ம்
தேதி கிரியேட்டிவ் ஆன ஒன்று வெளிவர போகிறது கூடவே ஒரு
ஆர்ட் படம் இணைக்கப்பட்டுள்ளது.ஒவியம் வரைபவர்களுக்கு
என்று சிறப்பாக ஏதாவது மென்பொருள் வெளியிட போகிறார்களா?
அல்லது இணையதள வடிவமைப்பாளர்களுக்கான ஏதாவது
மென்பொருள் வரப்போகின்றதா ? அல்லது பெயிண்ட் பிரஷ் ஏதும்
தேவையில்லை கையில் ஒரு குச்சி கொடுத்து எங்கள் மானிட்டரை
நீங்கள் வரைபலகையாக பயன்படுத்தி உங்களுக்கு பிடித்த வண்ணத்தை
தேர்ந்தெடுத்து படம் வரையுங்கள் என்றும் சொன்னாலும்
ஆச்சிரியப்படுவதற்கு ஒன்றும் இல்லை.கிரியேட்டிவ் என்றாலே
புதுமைதான், என்ன புதுமையை ஆப்பிள் நிறுவனம் வெளியிடப்
போகின்றது என்ற ஆவல் அனைத்து கம்யூட்டர் வல்லுனர்களுக்கும்
பயன்படுத்துபவர்களுக்கும் உள்ளது. என்ன என்பதை தெரிந்து கொள்ள
நாம் வரும் 27 -ம் தேதி வரை காத்திருக்கத்தான் வேண்டும்.

புதிதாய் நிறுவிய மென்பொருட்கள் ஹைலைட் ஆவதை நீக்க

புதிதாய் நிறுவிய மென்பொருட்கள் ஹைலைட் ஆவதை நீக்க

Friday 30 October 2009

நாம் கணினியில் புதிதாய் நிறுவிய மென்பொருட்கள் விண்டோஸ் -ல் ஹைலைட் செய்யப்பட்டிருக்கும், இது நம்மில் சிலருக்கு விரும்பப்படாததாக உள்ளது. இதை நீக்க என்ன செய்யலாம்.

விண்டோஸ் விஸ்டா மற்றும் விண்டோஸ் ஏழு:-

Start மெனுவில் வலது கிளிக் செய்து Properties செல்லுங்கள்.

இனி திறக்கும் Taskbar and Start Menu Properties திரையில் Customize பட்டனை அழுத்துங்கள்.

Customize Start Menu திரையில் Highlight newly installed programs என்பதை Uncheck செய்து OK பொத்தானை கிளிக் செய்யுங்கள்.

அவ்வளவுதான்.

விண்டோஸ் எக்ஸ்பி :-

Start பட்டனை வலது கிளிக் செய்து Properties சென்று, Taskbar and Start menu Properties திரையில் Start Menu டேபில் Start Menu என்பதை தேர்வு செய்து, அருகில் உள்ள Customize என்ற பட்டனை அழுத்துங்கள்.

பிறகு வரும் திரையில் Advanced டேபை க்ளிக் செய்து, அதில் Highlight Newly Installed Programs என்பதை Uncheck செய்து OK கொடுங்கள்.

அவ்வளவுதான்.

posterous.com - ஒரு ஈமெயில் மூலம் அணைத்து ப்லோக்கேலும் போஸ்ட் செயலம்

posterous.com - பார்க்க சதுவஹா தெரியும் posterous .com இதன் பயன் மிக அதிஹம்

இதன் பயன்:

1.அக்கௌன்ட் உருவாக தேவைஇல்ல

2.ப்ளோக்குக்கு புதியவருக்கு ஏற்ற இணையம்

( உங்கள் ஈமெயில் மூலம் போடோஸ் , பிளேஸ் , மொவீஸ் , மியூசிக் அனைத்தையும் போஸ்ட் செய்யலாம் )

3.உங்கள் ப்லோகுடன் எந்த file வேண்டுமஎன்றலும் இணைத்து பதிவு செய்யலாம் ....

4. AUTO POST இந்த பயன்படுத்தான் இந்த posterous.com உள்ள சிறப்பு.....

youtubr,Blogger,Wordpress,Picasa,Facebook,Twitter Etc... போன்றவட்டில் ஒரு ஈமெயில் மூலம் போஸ்ட் செய்யலாம் .....

நமது மின்னஞ்சல் கணக்கில் வேறு யாராவது விளையாடுகிறார்களா?

நமது மின்னஞ்சல் கணக்கில் வேறு யாராவது விளையாடுகிறார்களா?

ஜிமெயில் பயனாளர்கள் பலர் ஒரு கணினியில் மட்டுமல்லாது பல கணினிகளில் ஜிமெயிலில் பணி புரிகிறார்கள். உதாரணமாக Browsing Centre, அலுவலக கணினி, வீட்டிலுள்ள கணினி, நண்பர்கள் அல்லது உறவினர்களின் கணினி போன்றவற்றில் மின்னஞ்சல் பணிகளை முடித்த பிறகு ஞாபகமறதியால் Sign out செய்யாமல் வந்து விடுகிறார்கள். இது மிகவும் ஆபத்தான ஒன்றாகும். மொத்தமாக நாம் பணி செய்த அனைத்து கணினிகளிலிருந்தும் ஒரே நேரத்தில் sign out செய்ய இயலுமா?

மேலும் நமது மின்னஞ்சல் கணக்கில் வேறு யாராவது விளையாடுகிறார்களா? என்பதையும் நாம் அறிந்து கொள்ள ஜிமெயிலில் வசதி தரப்பட்டுள்ளது.

உங்கள் ஜிமெயில் கணக்கில் நுழையுங்கள். Inbox இன் கீழே உள்ள Last account activity என்பதற்கு நேராக உள்ள Details என்ற லிங்கை கிளிக் செய்யுங்கள்.

இனி திறக்கும் Activity Information விண்டோவில் உங்களது கடைசி ஐந்து லாகின் விவரங்கள் தரப்பட்டிருக்கும். இதிலிருந்து உங்கள் ஜிமெயில் கணக்கு பாதுகாப்பாக உள்ளதா என்பதை உறுதி செய்ய இயலும்.

மேலும் இதிலுள்ள Sign out all other sessions என்ற பொத்தானை அழுத்துவதன் மூலமாக மாற்ற கணினிகளிலிருந்து ஒரே சமயத்தில் Sign out செய்து விட முடியும்.

உள்ளங்கைகளில் உலகம்! கவனம்!

உள்ளங்கைகளில் உலகம்! கவனம்!

உலகம் உங்கள் கைகளில்! கொஞ்சம் கூடுதல் கவனம்!

கூகிள் சீனாவில் இருந்து வெளியேறத் தயாராகிறது!

இந்த செய்தி கொஞ்சம் பழைய செய்திபோலத் தெரியலாம்!ஆனால், பின்னணியில் நடந்து வரும் விஷயங்கள், நிறையப் புதிய விஷயங்களை வெளிச்சத்துக்குக் கொண்டுவருவதாக இருக்கிறது. ஏற்கெனெவே, நாம் சீனப் பூச்சாண்டி, சீனப் பெருமிதம் என்ற தலைப்பிலும், தலைமைப் பீடத்துக்கு அருகதை இல்லாதவர்கள் கையில் இந்த நாடு சிக்கியிருக்கும் அவலத்தை, தலைமைப் பண்பு, நேரு, சாஸ்திரி என்ற தலைப்பிலும் கொஞ்சம் பார்த்திருக்கிறோம்! சீனாவிடமிருந்து கற்றுக் கொள்ளவேண்டியவை கொஞ்சம் இருப்பதாகக் கூட ஒரு பதிவின் கடைசி வரி இருந்திருக்கிறது.

2008 இல் அமெரிக்க வங்கி, நிதித்துறை பெரும் சரிவைச் சந்தித்ததும், சீட்டுக் கட்டு சரிவது போலத் தொடர்ந்து துபாய் வாங்கிய கடனைத் திருப்பிச் செலுத்த முடியாமல், மஞ்சள் கடிதாசி கொடுக்காமலேயே நிறையப் பேருக்கு பேதி மாத்திரை கொடுத்ததுமாகப் பொருளாதாரத்தைத் தொட்டும் கொஞ்சம் பேசியிருக்கிறோம்.பேராசைப் பட்டவனும் கெட்டான்! கெட்டவனைத் தொட்டவனும் கெட்டான்! என்ற தொடர் விளையாட்டு, உலகப் பொருளாதாரத்தை அங்குமிங்குமாக அலைக்கழித்துக் கொண்டிருக்கிறது.

கடந்த ஆண்டு ஜெர்மனியின் பொருளாதார வளர்ச்சி பூஜ்யம்! இப்படி ஒரு தகவலைச் சொன்ன பொருளாதார அளவீடு ஒன்றைப் படித்தபோது, உண்மையிலேயே ஆச்சரியப் பட்டுப் போனேன்.

சென்ற ஆண்டில் அதற்கு முந்தைய ஆண்டில் பொருளாதார வளர்ச்சியில் ஏழாவது இடத்தில் இருந்த சீனா, விறுவிறுப்பாக முன்னேறி, மூன்றாவது இடத்திற்கு வந்து விட்டது மட்டுமல்ல, நடப்பு ஆண்டிலேயே, ஜப்பானைப் பின்னுக்குத் தள்ளிவிட்டு இரண்டாவது இடத்தைப் பிடித்துவிடும், இன்னும் பதினேழே ஆண்டுகளில் முதலிடத்தைப் பிடித்துவிடும் என்றெல்லாம், மதிப்பீடுகள் வந்துகொண்டிருக்கும் நேரத்தில், சீனப் பொருளாதாரம், விரைவிலேயே பன்க்சர் ஆகிவிடக்கூடிய சூழலுமே தயாராக இருக்கிறது.

நெருப்பைக் கக்கும் டிராகன் பயமுறுத்தல், சீனப் பூச்சாண்டி எல்லாம் வெறும் உள உளாக்காட்டிக்குத்தான், சீனத் திரைப்படங்களில் பறந்து பறந்து எதிரிகளைப் பந்தாடுகிற மாதிரி வரும் ஸ்டன்ட் காட்சிகளைப் போலவே, கொஞ்சம் செட் அப் சமாசாரம் தான்! ஓவர் பில்டப், மேக் அப்பைக் கலைத்துக் காட்டுவதாக, கூகிள், எடுத்திருக்கும் முடிவு ஒரு புதிய போக்கின் ஆரம்பமாகத் தொடங்கியிருக்கிறது.

என்ன நடந்தது?

கூகிள் தேடல் சீனாவைப் பொறுத்தவரை சீன அரசு நினைத்து நினைத்து சென்சார் செய்யப் படவேண்டியவை எவை என்பதைப் பொறுத்து மட்டுமே இருக்கவேண்டிய நிபந்தனைக்கு உட்பட்டதாக, பச்சையாகச் சொல்வதானால் பூம் பூம் மாடு மாதிரித் தலையாட்டிக் கொண்டே தான் சீனாவுக்குள் நுழைந்தது. இன்னும் தோலுரித்துச் சொல்ல வேண்டுமானால், சீனாவுக்குள், மனித உரிமை, சுதந்திரம் என்றெல்லாம் எவர் தேடுகிறார்கள், பேசுகிறார்கள் என்பதை சீன அரசு அறிந்துகொள்ளத் தோதாகத் திறவு கோள்களைக் கொடுத்ததே கூகிள் தான்! திறவுகோல்கள், கூகிளின் அஸ்திவாரத்தையே அசைத்து பார்த்து விடும் அளவுக்கு, கூகிளின் செர்வர்களுக்குள் உளவறியும் நிரலிகளைத் தொடர்ந்து அனுப்பிக் கொண்டே இருந்தது. எங்கிருந்து வருகின்றன என்பதைக் கண்காணித்துக் கொண்டிருந்த கூகிள், சீன அரசு இதன் பின்னணியில் இருப்பதை உறுதி செய்த பிறகு, சீனாவுக்கென்று பிரத்தியேகமான தணிக்கை செய்து கொடுக்கும் தேடுபொறி வசதியை நிறுத்திக் கொள்வது என்ற முடிவையும், சீனாவில் இருந்து வெளியேறவும் தயாராக இருப்பதாகவும் செய்தியை வெளியிட்டது.

இந்தச் செய்தியை பாருங்கள்!

/Google has “evidence to suggest that a primary goal of the attackers was accessing the Gmail accounts of Chinese human rights activists,” according to a posting by the company’s Chief Legal Officer David Drummond on Jan. 12. He said Google now plans to stop censoring results at its Chinese search engine, a move that may lead to the company shuttering its local Web site and offices, pending talks with the government./

சீன அரசு இதைப் பற்றிப் பெரிதாக அலட்டிக் கொள்ளவில்லை! காரணம், சீனாவோடு வணிகம், அமெரிக்க நிறுவனங்களுக்கு மிக அவசியமாக இருக்கிறது. எல்லாவற்றிற்கும் மேலாக, வணிகத்தில் கிடைக்கும் உபரி வருமானத்தை சீனா அமெரிக்க ட்ரஷரி பத்திரங்களில் தான் முதலீடு செய்து வைத்திருக்கிறது!

படத்தின் மீது கிளிக்கினால், பெரிதாக, அமெரிக்காவை குடுமியைப் பிடித்து ஆட்டும் கடன் எவ்வளவு என்பதைப் பார்க்கலாம்!

அமெரிக்கா உலகத்திலேயே அதிக அளவு கடன்பட்டிருப்பது சீனாவுக்குத் தான்! குடுமி மட்டுமே அல்ல, தலையுமே சேர்ந்து சீனப் பிடியில் மிக இறுக்கமாகச் சிக்கியிருக்கிறது.ரொம்பவும் ஆட முடியாது, ஆட்ட முடியாது!

உலகத்தின் ஜனநாயகக் காவலன் வேஷம் சீனாவில் கிழிந்து தோரணமாகப் பரிதாபமாகத் தொங்கிக் கொண்டிருக்கிறது. அங்கே மட்டுமல்ல! ஒரு சின்னஞ்சிறிய பாகிஸ்தான், ஒரே நேரத்தில் அமெரிக்காவின் தோழனாகவும், தீவீரவாதக் குழுக்கள் அத்தனைக்கும் காவலனாகவும் பாவலாக் காட்டிக் கொண்டிருப்பது தெரிந்தாலுமே கூட, ஒன்றுமே செய்ய முடியவில்லை! இரண்டு பக்கமும் ஆதாயமடைந்து கொண்டிருப்பது என்னவோ பாகிஸ்தானிய ராணுவமும், குறிப்பாக ஐ எஸ் ஐ எனப் படும் உளவுத்துறையும் தான்!

இணையத்தின் உபயோகம் சீனாவில் வளர்ந்து வரும் வேகம்இன்னொரு காரணம்!

இன்னும் பத்தாண்டுகளில் ஏற்கெனெவே பயன்படுத்திவரும் இதர நாடுகளுக்கு இணையாக இருக்கும். ஆனால், சீன அரசு, ஆரம்பத்தில் இருந்தே, இணையம், இணையப் பயன்பாடுகளைத் தன்னுடைய சௌகரியத்திற்கேற்ற மாதிரி, ஒரு தனித்தீவாக வைத்திருக்கவே விரும்புகிறது சீனா மாதிரி, அமேரிக்கா, இணையத்தைத் தனித்தீவாக வைத்திருக்கவில்லை என்றாலும், இ என்று நீங்கள் ஆரம்பிக்கும் போதே அமெரிக்கக் கண்காணிப்பின் கீழ் வந்துவிடுகிறீர்கள், அதே மாதிரி, மேற்கத்திய நாடு ஒவ்வொன்றுமே இணைய சுதந்திரத்தைப் பற்றிப் பெரிதாகப் பேசிக் கொண்டிருந்தாலுமே கூடக் கடுமையான கண்காணிப்பின் கீழ் அந்த சுதந்திரத்தை விட்டு வைத்திருக்கின்றன என்பதையும் நினைவில் வைத்துக் கொள்ள வேண்டும்.

மொட்லி ஃபூல் வலைத்தளத்தில், இது குறித்து வெளியான செய்தி இங்கே! மேலே உள்ள படம் கூட அங்கிருந்த குறிப்பிலிருந்து தான் பெறப்பட்டது!

இவ்வளவு பேசிய பிறகு, முக்கியமான விஷயம் ஒன்றைச் சொல்லாமல் விட்டு வைத்தால் எப்படி?

இப்போதெல்லாம், கணினிகளை, தங்களது கட்டுப்பாட்டின் கீழ் கொண்டு வருகிறமாதிரியான நிரல்கள், வைரஸ், Worms, Trojans எல்லாம், படிப்பதற்கு வசதியாக இருக்கிறதே என்று பிடிஎப் கோப்புக்களாக ஐத்துக் கொள்கிறோம் இல்லையா, அதில் தான் சமீபகாலத்திய ஊடுருவல்கள் அதிகமாக இருந்ததென்று ஒரு புள்ளிவிவரம் தெரிவிக்கிறது.

புரியாத எழுத்துவடிவம், நம்பகமில்லாத தளங்கள் எதில் இருந்தும் பிடிஎப் கோப்புக்களைத் தரவிறக்கம் செய்துகொள்ள வேண்டாம்! தரவிறக்கம் செய்தவைகளையும், அண்டி வைரஸ் மென்பொருள் கொண்டு சோதித்துப் பார்த்துக் கொள்வது மிக மிக நல்லது. அடோப் அக்ரோபாட் உபயோகிக்கிறீர்களா, இன்னும் கொஞ்சம் அதிகக் கவனம்! அடோப் தளத்திலேயே, மேலதிக விவரங்களைப் பார்க்கலாம்!

இணையம், இதயங்களை இணைக்கும் பாலம் தான்! எவ்வளவு அருமையான விஷயங்களை, உங்களுடைய உள்ளங்கைகளில் கொண்டு வந்து சேர்க்கிறது! எத்தனை நண்பர்களை உருவாக்கித்தருகிறது! அதே நேரம், காமக் கதை சொல்லிக் காசு பிடுங்குவதில் இருந்து, இந்த மாதிரி ஆபத்தான விளையாட்டுக்கள், விபரீதங்களுமே கூட இணையத்தின் இன்னொரு கோர முகமாக இருக்கிறது!

எச்சரிக்கையாக இருப்பது நம் கைகளில் தான் இருக்கிறது!

உபுண்டுவில் multi terminal

உபுண்டுவில் multi terminal

உபுண்டுவில் Applications->Accessories->Terminal க்கு சென்றால் ஒரு டெர்மினல்தான் திறக்கும். பல டெர்மினல் ஒரே விண்டொவில் பல வேலைகளை செய்வதற்கு software centreலேயே வழி இருக்கிறது. முதலில் டெர்மினலில்

#sudo apt-get install terminator என்று தட்டச்சு செய்து நிரலை நிறுவிக்கொள்ளவேண்டும். இந்த நிரலானது

Applications->Accessories->Terminator சென்று இயங்க செய்யலாம்.


நிரலை செயற்படுத்தும் போது



விண்டொவின் மீது கர்சரை வைத்து mouse ல் இடது சொடுக்கினால் வரும் optionல் split vertically, split horizontally, open tab என்ற option வரும்.

இதில் split vertically என்று தேர்ந்தெடுத்தால்

மேற்கண்ட விண்டொவில் ஒவ்வொரு பகுதிக்கும் சென்று split horizontally என்று தேர்ந்தெடுத்தால்


இந்த நான்கு பகுதியிலும் நான்கு விதமான வேலைகளை செய்யலாம்.



இப்போது open tab தேர்வு செய்தால் firefox tab போல செயல்படும்.

இதில் edit profile தேர்வு செய்தால்

இதில் colour, background image போன்றவை அமைத்துக்கொள்ளலாம்.